noong bata ako'y nilagnat, aking naalala
pinakain ng lugaw ng ina kong nag-alala
subalit pag nilagnat ka ngayong may kwarantina
di lang nanay, buong barangay ang mag-aalala
isa lamang iyan sa nakita kong kaibahan
sa sitwasyon noon at sa ngayong kapanahunan
iba ang dati't ang bagong normal na kalagayan,
na dapat nating pakasuriin at paghandaan
noon, pag naka-facemask ka'y huhulihin ng parak
tingin sa iyo'y holdaper kang sa masa'y pahamak
ngayon, huhulihin ng parak ang di naka-facemask
tingin ay pasaway kang sa masa'y magpapahamak
noon, krisis-pangkalusugan, solusyong medikal
ngayong krisis pangkalusugan, solusyon: militar
noon, upang di magkasakit, checkup sa ospital
ngayon, upang iwas-sakit, checkpoint o maospital
noon, facemask ay nagmahal nang pumutok ang bulkan,
ang mga walang facemask, binigyan ng lingkodbayan
ngayon, facemask ay nagkaubusan, walang mabilhan,
ang walang facemask, magmulta o doon sa kulungan
noon, pag may sakit, gobyerno'y tutulong sa kapos
ginagawan ito ng paraan, pati panustos
ngayon, di ang sakit ang tinutukan nilang lubos
mamamayan ang kinalaban, di coronavirus
- gregbituinjr.
Subscribe to:
Post Comments (Atom)
Mayo 7, araw ng mga health worker
MAYO 7, ARAW NG MGA HEALTH WORKER ang ikapito ng Mayo ay Health Workers' Day pala sa mga health worker, salamat sa inyo talaga dahil s...
-
RESPETO social distancing sa pag-aabang ng masasakyan sundin ang mga nilagay na bilog sa lansangan doon kayo umapak, isang metro ang pagitan... -
Mga buto ng okra paborito ko na ang okra mula pagkabata kaya madalas sa almusal ko'y di mawawala isasapaw sa sinaing, kaysarap namang sa... -
DAPAT DAW NATING I-MONITOR ANG SARILI wala raw social distancing ang nakita sa T.V. yaon daw mga nagsidalo sa Labor Day rally kaya Kagawaran...
No comments:
Post a Comment